Sumarhelsing frå KUF

2024 har vore eit merkeår for Konkurransen unge forskarar. Frå det blei klart i september at Akademiet for yngre forskere kunne ta over konkurransen har vi på kort tid fullført ei ny runde av konkurransen, og vi er svært så imponerte over det finalistane og alle deltakarane har fått til! 

Vi har opplevd stor interesse knytt til konkurransen, og vi gleder oss til å ta den vidare i 2025. For AYF har overtakinga av konkurransen vore viktig av fleire omsyn, til dømes for å sikre god rekruttering til framtidige forskarkarrierer, skape arenaer for møte mellom forskinsverda og unge, samt å skape begeistring for forsking.  

Konkurransen unge forskarar har fleire fortrinn: Vi gjer internasjonale moglegheiter til unge forskartalent. Til dømes var vi i mai representert på International Science and Engineering fair (ISEF) i USA, der Ricardo Sonda Guiraudeli deltok med prosjektet Modelling paths of the Moon’s shadow on the surface of the Earth during total solar eclipses, som representerte Noreg svært godt i konkurransen. I september skal vi vidare til EU Contest for Young Scientists (EUCYS) i Polen med to prosjekt frå den norske finalen. Med status som “National organizer” i desse konkurransane og pågåande kontakt med fleire andre konkurransar og forum, vonar vi å kunne sende enno fleire finalistar ut til spennande og utviklande arrangement i åra som kjem. Dette gjer finalistane moglegheit til å knyte nettverk, til å bli kjent med andre i sine felt, og gje dei ein smak av forskarlivet.