Reglement for konkurransen

 

Reglementet for Konkurransen for unge forskere vart handsama på AYF sitt styremøte 16.09.2024.

  • Krav til skuletilknyting og alder: 
    • Deltakarar må vere elev ved offentleg/ privat ungdomsskule eller vidaregåande skule i Noreg i søknadsåret. Elevar med norsk statsborgarskap og/ eller annan klar tilknyting til Noreg tilknytt skulesystem på tilsvarande trinn i utlandet kan også delta.
    • Deltakarar må fylle 13 år i kalenderåret konkurransen gjennomførast.
    • Deltakarar må vere under 20 år til og med 1. mai i året konkurransen gjennomførast.
  • Krav til språk
    • Deltakande elevar kan delta med rapport på norsk eller engelsk.
      • Ved rapport på norsk: Dersom eleven blir finalist og nominert til deltaking i internasjonale konkurransar, må eleven få omsett rapport og presentasjonsmateriale til engelsk.
  • Krav til gruppestorleik: 
    • Deltakande elevar kan delta individuelt eller i grupper på opptil tre elevar.
    • Deltakande elev/ gruppe kan sende inn eitt bidrag til konkurransen.
  • Krav til originalitet, etikk og vitskapleg kvalitet: 
    • Innsendte bidrag skal vere originalt arbeid utført av eleven/ gruppa sjølve.
    • Innsendte bidrag kan vere vurdert i tilknyting til fag i ungdomsskule/ vidaregåande skule, men kan ikkje vere sendt inn til vurdering i andre konkurransar.
    • Innsendte bidrag skal forholda seg til god vitskapleg skikk, t.d. med tanke på referering.
    • Innsendte bidrag skal ta etiske vurderingar og omsyn, t.d. knytt til personvern.
  • Krav til rettigheiter: 
    • Ved innsending av rapport til Konkurranse unge forskere, samtykker eleven til at rapporten kan publiserast på KUF sine sider og i andre samanhengar, dersom prosjektet får finaliststatus.
  • Krav ved finaliststatus
    • Deltakarar som blir utpeikt som finalistar skal utarbeide ein posterpresentasjon basert på den innleverte rapporten. Finalistar mottek eigen informasjon om dette.
    • Finalistar som blir utpeikt til å representere Noreg ved konkurransar i utlandet pliktar å følgje instruksjonar gitt av Konkurransen unge forskere og/ eller arrangør i utlandet knytt til reigstrering, reise, osv. Finalistar mottek eigen informasjon om dette.